Atera! proiektura sartzeko gonbitea egiten dizugu, lagun. Distantziak eta ertzak baliorik ez duten egitasmo xamur honetarat. 

 

  Askoren eta askotarikoen bihotzetik ateratakoa bihotzeko ateraino heltzeko era izatea du helburu. Bi munduren topaleku: gatibutza eta sormena. Mundu bakarra izateraino.

 

  Musika, irudia, olioa, letra, ahotsa. Dena ateratzera goaz. Dena konpartitzera. Zurekin. Haiekin. Gurekin. Hasiera bai, bukaera ere bai  baina bide emankorra bete dezaken erronka korala duzu eskutartean; entzungai agian; edo ikusgai. Mintzagai gogoko izanez gero. Nahieran.

 

  Gai berdinak hamaika begirada ukan dezake. Gu norberarena errespetatzen saiatu gara. Baita eskertu ere. Atearen ondoren begitandu daitekenari  lente berezirik jarri gabe. Eta guztion artean begi aske bi zabaldu ditugu; horrela ikusten dugu gure begietatik, behintzat. Zuk esan.       

 

  Barroteak eta erbestea. Gure bizitzetatik ateratzeko nahia. Beharra. Gogoa. Ekarpena. Horixe  ere izan daiteke Atera!

 

  Zuk baderitzozu.